Ветка - невялікі горад у Гомельскай вобласці, заснаваны стараверамі. У XVII-XVIII стагоддзях горад быў цэнтрам расколу.

Сучасная Ветка - гэта раённы цэнтр з насельніцтвам 7,7 тыс. чалавек, які можа быць цікавы турыстам Музеем народнай творчасці - унікальным і адзіным у сваім родзе.
        
Геаграфічная даведка:

Раённы цэнтр размешчаны за 22 км ад Гомеля. Ветка звязана аўтадарогамі з Гомелем і Добрушам.
        
Гістарычны агляд:

Горад заснаваны ў 1685 годзе (паводле іншых дадзеных - у 1682 годзе) стараверамі - бежанцамі з цэнтральнай Расіі. На працягу XVII-XVIII стагоддзяў Ветка з'яўлялася цэнтрам расколу, за што была двойчы спалена царскімі карнымі войскамі, а большасць жыхароў гвалтам пераселена ва ўсходнія губерні.

З 1772 года Ветка ўваходзіць у склад Расійскай імперыі, з 1784 года з'яўляецца  мястэчкам Беліцкага павета, а з 1852 - Гомельскага павета. З 1919 года Ветка ў складзе Гомельскага павета РСФСР, у 1925 годзе атрымлівае статус горада. З 8 снежня 1926 года Ветка становіцца райцэнтрам у БССР.

З 18 жніўня 1941 года па 27 верасня 1943 года Ветка была акупіравана гітлераўцамі.

26 красавіка 1986 гады горад падвергнуўся радыеактыўнаму забруджванню ў выніку аварыі на Чарнобыльскай АЭС.

Знакамітасці:

Веткаўшчына дала зямлі вучонага ў галіне глебазнаўства, акадэміка НАН Беларусі П.П. Рагавога; дзяржаўнага дзеяча, дыпламата, двойчы Героя Сацыялістычнай Працы А.А. Грамыка.

Славутасці: 

Да славутых мясцін горада можна аднесці асабняк купца Грошыкава. Будынак пабудаваны ў 1897 годзе і знаходзіцца на Краснай плошчы - цэнтральнай плошчы горада, у цяперашні час у будынку размяшчаецца Веткаўскі музей народнай творчасці. 

Таксама да славутасцей Веткі можна аднесці Спаса-Прэабражэнскую царкву. 

Візітная картка: 

Горад вядомы ў першую чаргу Музеем народнай творчасці - унікальным і адзіным у сваім родзе. У ім сабраны прадметы даўніны, рукапісныя кнігі, кнігі раскольнікаў і знакаміты неглюбскі рушнік. 

Турыстычныя падзеі: 

28 верасня гараджане адзначаюць Дзень горада. У гэты дзень адбываецца ўшанаванне ветэранаў (бо горад быў вызвалены ад гітлераўцаў менавіта 28 верасня), праводзяцца тэатралізаваныя масавыя гулянні. 

Інфраструктура: 

Пасля рэканструкцыі адкрылася гасцініца «Залатое кальцо». 
Гасцініца мае 15 нумароў на 25 месцаў, з іх: 5 нумароў «Люкс»,
6 нумароў з выгодамі і 4 нумары без выгод ".

Турыстычныя магчымасці:

Наведванне Веткі і Веткаўскага раёна будзе цікава людзям, якіх захапляе гісторыя народных рамёстваў і абрадаў. Ветка -  месца паломніцтва старавераў з усяго свету.

Легенды і традыцыі:

У вёсках Казацкія Балсуны (50 км ад Веткі) і Янова (каля 30 км ад горада) праводзіцца найцікавейшы народны абрад "Пахаванне стралы". Абрад завяршае вясновыя святы і праводзіцца на 40-ы дзень пасля Вялікадня. Людзі водзяць карагоды і спяваюць, а потым закопваюць стралу, што сімвалізуе заканчэнне вясны і пачатак лета.

Туры:

Трапіць у Ветку вы зможаце, калі здзейсніце падарожжа па наступных турыстычных маршрутах:

«Культурная спадчына Гомельшчыны». Працягласць 22 км. Гомель - Хальч - Ветка. Аўтобусны і пешаходны.

«Залатое кальцо Гомельшчыны». Гомель - Лоеў - Рэчыца - Юравічы - Мазыр - Тураў - Чырвоны Бераг - Чачэрск - Ветка.