8 снежня, Мінск /Кар. БЕЛТА/. Прэзідэнт Беларусі Аляксандр Лукашэнка 7 снежня падпісаў дэкрэт нумар 5 "Аб узнагароджанні дзяржаўнымі ўзнагародамі Рэспублікі Беларусь". Аб гэтым БЕЛТА паведамілі ў прэс-службе кіраўніка дзяржавы.

Дакументам устанаўліваецца магчымасць заахвочвання дзяржаўнымі ўзнагародамі арганізацый і калектываў іх работнікаў, а таксама воінскіх часцей і фарміраванняў. Вызначаны пералік узнагарод, да якіх яны могуць прадстаўляцца, у прыватнасці: ордэн Працоўнай Славы, ордэны Воінскай Славы і "За службу Радзіме", ордэн Дружбы народаў, ордэн Пашаны, ордэн Францыска Скарыны.