01.03.2022

Моцны аналіз ад Лукашэнкі. Прэзідэнт дакладна расклаў перадумовы падзей ва Украіне

Прэзідэнт Беларусі Аляксандр Лукашэнка сёння на нарадзе з членамі Савета бяспекі і кіраўніцтвам Савета Міністраў прадставіў падрабязны аналіз перадумоў цяперашніх падзей ва Украіне і вакол яе, перадае карэспандэнт БЕЛТА. 

"Мы планавалі сённяшнюю нараду з урадам, прысвяціўшы яе шэрагу эканамічных праблем краіны. Аднак апошнія падзеі ў свеце, а галоўнае, іх спекулятыўная інтэрпрэтацыя ў СМІ, інтэрнэт-прасторы, асабліва ад нашых збеглых нягоднікаў з домысламі і нахабнай хлуснёй, прадвызначылі новы фармат сустрэчы і больш шырокі склад удзельнікаў з запрашэннем членаў Савета бяспекі і нашых спецыялістаў, якія вядуць інфармацыйнае проціборства, не ўтаю, вайну. Я бачу, што ёсць неабходнасць дакладна раскласці падзеі ва Украіне з улікам перадумоў на падставе дакладных фактаў", - адзначыў кіраўнік дзяржавы. 

Для пачатку ён звярнуўся да вытокаў гэтага сур'ёзнага еўрапейскага канфлікту. "Дай баг, каб не перарос у планетарны. Ён пачаўся нават не ў 2014 годзе. Тады ён упершыню ўвайшоў у вострую ўзброеную фазу. Але што гэтаму папярэднічала?" - акрэсліў пытанне беларускі лідар.