08.05.2021

Лукашэнка: пакуль наша пакаленне жывое, Беларусь заўсёды будзе стаяць намертва

Беларусы ніколі не дазволяць глядзець на сваю зямлю з пагардай. Аб гэтым Прэзідэнт Беларусі Аляксандр Лукашэнка заявіў сёння на цырымоніі ўскладання вянкоў да манумента Перамогі з нагоды 76-й гадавіны Вялікай Перамогі, перадае карэспандэнт БЕЛТА.

"Я разумею: пасля тых падзей, якія прайшлі ў мінулым годзе, і таго, што нам абяцаюць у бягучым годзе, мы крыху, шчыра кажучы, перанапружылі наша грамадства. Можа, нехта залішне непакоіцца пра мір і бяспеку. Можа, нехта наогул перастаў у гэта верыць. Дык вось, я цяпер звяртаюся да вас - тых, хто не верыць. Запомніце: пакуль наша пакаленне жывое, Беларусь заўсёды будзе стаяць намертва! Мы будзем жыць. Мы будзем жыць на сваёй зямлі. І я клянуся вам у гэтым святым месцы, што мы ніколі не дазволім глядзець на нашу зямлю з пагардай. Тую зямлю, якую вы выстаялі ў гады ліхалецця і адваявалі. Мы будзем яе абараняць, чаго б нам гэта ні каштавала", - падкрэсліў Аляксандр Лукашэнка.

Прэзідэнт таксама звярнуўся да тых, "хто насцярожыўся ў сувязі з апошнімі падзеямі": "Нават не думайце і не хвалюйцеся за будучыню сваіх дзяцей, унукаў і за сваю будучыню. Мы зробім усё, каб над нашай зямлёй ззяла такое сонца, як сёння, і было блакітнае неба. Мы зробім усё, каб маладыя мамы і таты са сваімі дзеткамі ў любы час сутак маглі выйсці на вуліцу і прайсціся па сваёй зямлі, як гэта было заўсёды. Так будзе, я вам абяцаю. Я клянуся, што так будзе!"

"І я хачу, каб нас пачулі не толькі ў Беларусі, але там. Вы ведаеце, хто", - дадаў кіраўнік дзяржавы.