29.01.2025

Бюджэт пражытачнага мінімуму павышаецца з 1 лютага ў Беларусі

З 1 лютага ў Беларусі павышаюцца памеры бюджэту пражытачнага мінімуму. Аб гэтым БЕЛТА паведамілі ў прэс-службе Міністэрства працы і сацыяльнай абароны.

Так, бюджэт пражытачнага мінімуму ў сярэднім на душу насельніцтва ў параўнанні з яго значэннем, устаноўленым з 1 лістапада 2024 года, павялічыцца на 2,2 працэнта і складзе Br447,64.

Новыя памеры БПМ будуць дзейнічаць па 30 красавіка 2025 года, гэта першы пераразлік БПМ у 2025 годзе.

У сувязі са змяненнем БПМ аўтаматычна пераглядаюцца ўбудаваныя ў сістэму сацыяльнай абароны розныя надбаўкі і павышэнні, а таксама асобныя сацыяльныя выплаты, якія вылічаюцца ад памеру БПМ. Гэта памеры дзяржаўных дапамог сем'ям, якія выхоўваюць дзяцей, даплаты да пенсій, дапамогі па доглядзе інвалідаў I групы або асобы, якая дасягнула 80-гадовага ўзросту, і сацыяльныя пенсіі.

БелТА