19.09.2024

З клопатам аб бяспецы малой Радзімы

Рэспубліканская інфармацыйна-прапагандысцкая кампанія (акцыя) будзе праводзіцца ў сельскіх населеных пунктах, гарадах, садовых таварыствах з мэтай папярэджання пажараў з прычыны неасцярожнага абыходжання з агнём і гібелі на іх асоб пенсійнага і пажылога ўзросту. Мэтавая аўдыторыя - людзі пажылога ўзросту, жыхары сельскіх населеных пунктаў.

Кампанія будзе праходзіць з 16 верасня па 4 кастрычніка з асобамі пажылога і пенсійнага ўзросту на рынках, у тэрытарыяльных цэнтрах сацыяльнага абслугоўвання насельніцтва, паштовых аддзяленнях, аўтакрамах, дамах культуры і іншых аб'ектах, размешчаных у населеных пунктах.

У рамках акцыі ратавальнікі падрыхтавалі самыя разнастайныя формы работы. На працягу акцыі будуць арганізаваны тэматычныя "Кірмашы бяспекі", інтэрактыўныя навучальныя заняткі з дэманстрацыяй фільмаў і інш., віктарына "Хто хоча стаць мільянерам, а не пенсіянерам?"; "Аўталаўка бяспекі"; адраснае паштовае рассыланне прафілактычнай інфармацыі і наглядна-выяўленчай прадукцыі.