13.05.2025

Якія дакументы запатрабуюць у службе «адно акно» для выдачы пасведчання шматдзетнай сям'і?

Шматдзетныя сем'і ў Беларусі надзяляюцца асаблівымі льготамі ў пэўных сацыяльных сферах. Статус шматдзетнай сям'і заканадаўча вызначаны Кодэксам аб шлюбе і сям'і ў артыкуле 62: шматдзетнай з'яўляецца сям'я, у якой на ўтрыманні і выхаванні знаходзяцца трое і больш дзяцей ва ўзросце да васямнаццаці гадоў.

Дадзены статус пацвярджаецца пасведчаннем, якое выдаецца мясцовымі выканаўчымі і распарадчымі органамі. Узор пасведчання і парадак яго выдачы зацвярджаюцца Урадам Рэспублікі Беларусь.

Пасведчанне шматдзетнай сям'і могуць атрымаць грамадзяне Рэспублікі Беларусь; замежныя грамадзяне, якія пражываюць на тэрыторыі Рэспублікі Беларусь на пастаяннай аснове; асобы без грамадзянства, якія пражываюць на тэрыторыі Рэспублікі Беларусь на пастаяннай аснове.

Для атрымання пасведчання шматдзетнай сям'і неабходна звярнуцца ў службу «адно акно» Веткаўскага райвыканкама і падаць наступныя дакументы:

• заяву;
• пашпарты ці іншыя дакументы, якія сведчаць асобу бацькоў;
• пасведчанне аб заключэнні шлюбу – для асоб, якія знаходзяцца ў шлюбе;
• копія рашэння суда аб скасаванні шлюбу або пасведчанне аб скасаванні шлюбу або іншы дакумент, які пацвярджае катэгорыю няпоўнай сям'і, – для няпоўных сем'яў;
• копія рашэння (пастановы) суда або Пагадненне аб дзецях, або Шлюбны дагавор, або вызначэнне аб судовым загадзе аб спагнанні аліментаў, або Пагадненне аб утрыманні сваіх непаўналетніх і (або) маючых патрэбу ў дапамозе непрацаздольных паўналетніх дзяцей – у выпадку скасавання шлюбу бацькамі дзяцей (калі дакументальна вызначана месца пражывання дзяцей з адным з бацькоў і (або) назначаны аліменты на ўтрыманне дзяцей);
• копія рашэння (пастановы) суда аб вызначэнні месца пражывання дзяцей з бацькам – у выпадку, калі дзеці, народжаныя па-за шлюбам, пражываюць з бацькам;
• даведка, якая змяшчае звесткі з запісу акта аб нараджэнні, – у выпадку, калі запіс пра бацьку ў запісе акта аб нараджэнні дзіцяці праведзена на падставе заявы маці, якая не знаходзіцца ў шлюбе;
• пасведчанне аб устанаўленні бацькоўства – у выпадку ўстанаўлення бацькоўства;
• выпіска з рашэння суда аб усынаўленні (удачарэнні) – у выпадку, калі ў пасведчанні аб нараджэнні дзіцяці ўсынавіцелі (удачарыцелі) не запісаны ў якасці бацькоў усыноўленага (удачаранага) дзіцяці;
• пасведчання аб нараджэнні непаўналетніх дзяцей (для замежных грамадзян і асоб без грамадзянства, якім прадастаўлены статус бежанца або прытулак у Рэспубліцы Беларусь, – пры наяўнасці такіх пасведчанняў).

Службай «адно акно» ў рамках выканання ўскладзеных на яе функцый і задач будуць самастойна запытаны наступныя дакументы:

• даведка (даведкі) аб месцы жыхарства і складзе сям'і або копія асабовага рахунку;

• звесткі ўстаноў адукацыі, а таксама іншых арганізацый і індывідуальных прадпрымальнікаў, якія рэалізуюць адукацыйную праграму дашкольнай адукацыі, аб выхаванні навучэнца ў сям'і аднаго з бацькоў і (або) звесткі дзяржаўных органаў, іншых арганізацый аб пражыванні дзіцяці ў сям'і аднаго з бацькоў – у выпадках скасавання шлюбу бацькамі дзяцей (калі дакументальна не вызначана месца пражывання дзяцей з адным з бацькоў і не ўстаноўлены аліменты на ўтрыманне дзяцей);

• акт абследавання сям'і, якая выхоўвае дзяцей ва ўзросце да 18 гадоў, – у выпадку звароту аднаго з бацькоў у мясцовы выканаўчы і распарадчы орган у адпаведнасці з яго рэгістрацыяй па месцы жыхарства (месцы знаходжання), якое не супадае з месцам фактычнага пражывання сям'і;

• звесткі аб адсутнасці факта выдачы пасведчання шматдзетнай сям'і другому аднаму з бацькоў па яго месцы жыхарства (месцы знаходжання) – пры рэгістрацыі бацькоў па месцы жыхарства (месцы знаходжання) на тэрыторыі Рэспублікі Беларусь па розных адрасах.

Тэрмін ажыццяўлення адміністрацыйнай працэдуры складае 15 дзён з дня падачы заявы, а ў выпадку запыту дакументаў і (або) звестак ад іншых дзяржаўных органаў, іншых арганізацый – 1 месяц. Працэдура ажыццяўляецца бясплатна.

Пасведчанне выдаецца ў службе «адно акно».

г. Ветка, пл. Чырвоная, 8

тэл.: 8 (02330) 4-28-21, 8 (02330) 4-30-75, 142

Рэжым працы: панядзелак, аўторак, серада, пятніца з 8.00 да 18.00 (без перапынку на абед), чацвер з 8.00 да 20.00 (абедзенны перапынак з 15.00 да 16.00), трэцяя субота месяца з 8.00 да 12.00 (без перапынку на абед), выхадны – нядзеля