23.09.2024

Вялікая колькасць пажараў адбываецца менавіта ў жылым сектары грамадзян. Домаўладальнікі з-за сваёй няўважлівасці часта становяцца віноўнікамi надзвычайных сітуацый, а часам і іх ахвярамі

У мэтах прадухілення пажараў і гібелі людзей суб'екты прафілактыкі ўзмоцнена правяраюць дамы грамадзян на прадмет пажарнай бяспекі.

- Выходзячы з дому, вазьміце за звычку выключаць з сеткі ўсе электрапрыборы, а таксама не пакідаць на ноч мабільныя тэлефоны ці планшэты на зарадцы, - распавяла Таццяна Пусева.

У шматлікіх дамах гаспадары добрасумленна выконваюць патрабаванні пажарнай бяспекі. Печ утрымоўваюць спраўнай, сочаць за электрычнай праводкай, своечасова змяняюць элемент сілкавання ў аўтаномных пажарных апавяшчальніках, наводзяць парадак на прыдамавой тэрыторыі.

- Топіцца печ - з хаты ні нагой! Акрамя ўзнікнення пажару печ, якая топіцца, тоіць у сабе яшчэ адну небяспеку для здароўя і жыцця гаспадара: атручванне ўгарным газам, - кажа інспектар прапаганды.

Падчас праверкі жыллёвага фонду наведаны домаўладаннi рознай катэгорыі грамадзян, як адзінокіх грамадзян, так і схільных да асацыяльнага ладу жыцця. З жыхарамі праведзены прафілактычныя гутаркі аб выкананні правіл бяспекі.

Ратавальнікі нагадваюць усім жыхарам нумары выратавальнай службы "101" або "112" і алгарытм дзеянняў у выпадку ўзнікнення надзвычайнай сітуацыі.