24.02.2025

Веткаўскія ратавальнікі правялі вучэнні

Работнікі Веткаўскага раённага аддзела па надзвычайных сітуацыях рэгулярна праводзяць вучэнні і заняткі па ўдасканаленні ўменняў і навыкаў ліквідацыі надзвычайных сітуацый.

На гэты раз ліквідацыя ўмоўнай надзвычайнай сітуацыі адбывалася на тэрыторыі кацельні "Паўночная" ў горадзе Ветка.

Па легендзе вучэнняў адбылося кароткае замыканне падаючай зімовай помпы з наступным узгараннем, з будынка не змаглі эвакуіравацца два чалавекі.

Падраздзяленні МНС аператыўна лакалізавалі і ліквідавалі загаранне, правялі разведку ва ўсіх памяшканнях будынка, выявілі і эвакуіравалі пацярпелага з небяспечнай зоны і перадалі работнікам хуткай медыцынскай дапамогі. Усе задзейнічаныя службы таксама аператыўна спрацавалі, што паказала на зладжанасць працы ўсіх структур.

Ратавальнікі і іншыя службы горада ўзорна спрацавалі ва ўмовах, калі трэба было максімальна хутка і эфектыўна ліквідаваць небяспечную надзвычайную сітуацыю.