10.01.2025

Спецыяльнае комплекснае мерапрыемства "Паляванне"

З 1 кастрычніка па 31 снежня 2024 года Дзяржаўнай інспекцыяй аховы жывёльнага і расліннага свету пры Прэзідэнце Рэспублікі Беларусь праведзена спецыяльнае комплекснае мерапрыемства "Паляванне".

Інспекцыі аховы жывёльнага і расліннага свету Гомельскай вобласці аб'ядналі ў сваёй рабоце рэйды, накіраваныя на спыненне фактаў браканьерства і шырокую інфармацыйную кампанію, накіраваную на прафілактыку і папярэджанне парушэнняў.

За перыяд правядзення комплекснага мерапрыемства праверана больш за 1,5 тысячы паляўнічых, канфіскавана 13 адзінак незарэгістраванай агнястрэльнай зброі і 230 патронаў, акрамя таго канфіскавана 91 забароненая прылада рыбалоўства, з паляўнічымі праведзены тлумачальныя і прафілактычныя гутаркі, сярод іх распаўсюджаны агітацыйныя памяткі.

Заклікаем грамадзян, якія захоўваюць забароненыя прылады здабычы дзікіх жывёл, здаць іх у інспекцыі аховы жывёльнага і расліннага свету Гомельскай вобласці, тым самым вызваліўшы сябе ад адказнасці, прадугледжанай заканадаўствам.

Значны ўклад у агульную справу па ахове дзікіх жывёл можа зрабіць кожны, паведаміўшы аб фактах парушэння прыродаахоўнага заканадаўства, захоўвання забароненых прылад палявання і рыбалоўства па тэлефоне даверу Гомельскай абласной інспекцыі па нумары 8 (0232) 32-70-00 або па тэлефоне +375-33-633-36-09.