22.01.2025

Здай забароненыя прылады рыбалоўства – вызвалі сябе ад адказнасці!

Дзяржаўнай інспекцыяй надаецца значная ўвага прафілактыцы правапарушэнняў, звязаных з захоўваннем і рэалізацыяй забароненых прылад рыбалоўства, да ліку якіх адносяцца мерапрыемствы па канфіскацыі забароненых прылад рыбалоўства, так як іх выкарыстанне наносіць непапраўную шкоду іхтыяфаўне.

За незаконныя збыт або захоўванне сеткаматэрыялаў, рыбалоўных сетак і іншых прылад з сеткаматэрыялаў прадугледжана адміністрацыйная адказнасць.

За 2024 год інспекцыямі Гомельскай вобласці ў правапарушальнікаў канфіскавана 3090 рыбалоўных сетак, агульнай даўжынёй больш за 100 кіламетраў, а таксама 1302 іншыя незаконныя прылады рыбалоўства.

Гомельская абласная інспекцыя аховы жывёльнага і расліннага свету нагадвае, што добраахвотна здадзеныя забароненыя прылады рыбалоўства, вызваляюць іх уладальнікаў ад адміністрацыйнай адказнасці. На тэрыторыі Гомельскай вобласці дадзеным правам у 2024 годзе скарыстаўся 101 чалавек, якія добраахвотна здалі 377 сетак, агульнай даўжынёй больш за 12 кіламетраў і 74 іншыя прылады рыбалоўства.

Калі Вы жадаеце здаць наяўныя ў Вас забароненыя прылады рыбалоўства, паінфармуйце нас па тэлефоне даверу па нумары 8(0232) 32-70-00 альбо па тэлефоне +375-33-633-36-09.