19.12.2024

"Секчы або купіць"

Незаконная рубка або пашкоджанне да ступені спынення росту або знішчэнне драўняна-хмызняковай расліннасці ў прыродаахоўных, рэкрэацыйна-аздараўленчых і ахоўных лясах - цягнуць накладанне штрафу ў памеры ад 5 да 30 базавых велічынь, на індывідуальнага прадпрымальніка - ад 20 да 200 базавых велічынь, а на юрыдычную асобу – ад 50 да 300 базавых велічынь (ч. 1 арт. 16.17 КоАП Рэспублікі Беларусь), а калі незаконная рубка праведзена ў лясных масівах, размешчаных на тэрыторыях радыеактыўнага забруджвання, яшчэ трэба будзе дадаць штраф за парушэнне патрабаванняў рэжыму радыяцыйнай бяспекі ў мясцовасцях, якія падвергліся радыеактыўнаму забруджванню (ч.2 арт. 16.6 КоАП Рэспублікі Беларусь) у памеры ад 5 да 30 базавых велічынь.

Самавольная рубка елак у найбліжэйшым лясным масіве з'яўляецца незаконнай.

У сувязі з гэтым галоўнае ўпраўленне па праблемах ліквідацыі наступстваў катастрофы на Чарнобыльскай АЭС інфармуе жыхароў і гасцей Веткаўскага раёна аб тым, што ў перыяд з 20 па 31 снежня дзяржаўнымі кантралюючымі органамі будзе ўзмоцнены кантроль па ахове лясных насаджэнняў, тэрыторый радыеактыўнага забруджвання ў рамках мерапрыемстваў, накіраваных на выяўленне і спыненне фактаў самавольнай высечкі дрэў іглічных парод.

Напярэдадні свят працаўнікамі лясгаса і гандлёвымі прадпрыемствамі арганізуюцца "ёлачныя кірмашы" дзе можна набыць як штучных, так лясных прыгажунь любых памераў і па даступных цэнах.

Варта памятаць, што елка, высечаная на тэрыторыі радыеактыўнага забруджвання - гэта крыніца павышанай радыяцыйнай небяспекі. Беражыце сябе і сваіх блізкіх.

А. Пяршко, галоўны спецыяліст

Галоўнага ўпраўлення па праблемах

ліквідацыі наступстваў катастрофы

на Чарнобыльскай АЭС Гомельскага

аблвыканкама