21.10.2024

Паважаныя мужчыны, дарагія бацькі, дзядулі! Прыміце самыя цёплыя і шчырыя віншаванні з Днём бацькі!

Падмуркам шматвяковага ўкладу жыцця беларускага народа заўсёды былі традыцыйныя сямейныя каштоўнасці, дзе бацька — кіраўнік і апора для ўсяго роду, крыніца назапашанага ў пакаленнях вопыту, сілы і мудрасці продкаў.

Тата — гэта верны сябар, дарадца, галоўны памочнік для кожнага з нас. Ён вучыць пераадольваць цяжкасці, не падаць духам пры няўдачах і ўпарта ісці да пастаўленай мэты.

Асабісты прыклад бацькі, клопат і падтрымка з дзяцінства выхоўваюць адказнасць, працавітасць, павагу да старэйшых, гатоўнасць служыць Радзіме.

Ад усёй душы жадаем вам моцнага здароўя, павагі і любові, разумення і падтрымкі з боку блізкіх, матэрыяльнага дабрабыту і поспехаў. Хай радасць бацькоўства робіць вас мацней і шчаслівей!

Раман СЯРГУН, старшыня раённага выканаўчага камітэта. Віктар МАСЕЙКАЎ, старшыня раённага Савета дэпутатаў