20.01.2025

Аб прымяненні стаўкі падаходнага падатку з фізічных асоб у памеры 25% у дачыненні да даходаў, атрыманых у 2024 годзе

З 01.01.2024 устаноўлена стаўка падаходнага падатку з фізічных асоб у памеры 25 працэнтаў адносна сукупнасці даходаў, якія падлягаюць падаткаабкладанню па стаўцы 13 працэнтаў і атрыманых ад крыніц у Рэспубліцы Беларусь у выглядзе дывідэндаў, па працоўных дагаворах, а таксама па грамадзянска-прававых дагаворах, прадметам якіх з'яўляюцца выкананне работ, аказанне паслуг і стварэнне аб'ектаў інтэлектуальнай уласнасці, у памеры, які перавысіў за падатковы перыяд 200 000 руб. (пункт 8 артыкула 214 Падатковага кодэкса Рэспублікі Беларусь, далей - ПК).

Вылічэнне падаходнага падатку з фізічных асоб па стаўцы 25% ажыццяўляецца падатковым органам з сумы перавышэння такіх даходаў у парадку, устаноўленым артыкулам 219 ПК, а менавіта: плацельшчык, які атрымаў вышэйзгаданыя віды даходаў, сума якіх за 2024 год перавысіла 200 000 руб., абавязаны прадставіць у падатковы орган падатковую дэкларацыю па падаходным падатку з фізічных асоб не пазней за 31 сакавіка 2025 года.

Звяртаем увагу, што падатковыя льготы (вызваленнi і вылікі), прадугледжаныя артыкуламі 208-212 ПК, да сумы перавышэння не прымяняюцца. Пры гэтым падаходны падатак, утрыманы і пералічаны ў бюджэт падатковым агентам, зачытваецца падатковым органам у лік падатку, вылічанага па стаўцы 25 працэнтаў.