13.12.2024

На заметку Дзеду Марозу!

Падатковыя органы інфармуюць, што з 1 кастрычніка 2024 года ажыццяўленне фізічнымі асобамі дзейнасці ў якасці індывідуальнага прадпрымальніка, а таксама ў якасці самастойнай прафесійнай дзейнасці ажыццяўляецца па пераліках відаў дзейнасці, вызначаных пастановай Савета Міністраў Рэспублікі Беларусь ад 28 чэрвеня 2024 года № 457 "Аб відах індывідуальнай прадпрымальніцкай дзейнасці".

Віды дзейнасці, звязаныя з правядзеннем культурна-відовішчных мерапрыемстваў, а менавіта:

• дзейнасць акцёраў, танцораў, музыкаў, выканаўцаў гутарковага жанру, якія выступаюць індывідуальна, прадастаўленне паслуг тамадой;
• музычна-забаўляльнае абслугоўванне вяселляў, юбілеяў і іншых урачыстых мерапрыемстваў;
• дзейнасць, звязаная з віншаваннем з Днём нараджэння, Новым годам і іншымі святамі гэтыя пералікі не змяшчаюць.

Адпаведна, ажыццяўляць такія віды дзейнасці, у прыватнасці дзейнасць, звязаную з віншаваннем з Новым годам, у тым ліку віншаванні Дзеда Мароза, Снягуркі з 1 кастрычніка 2024 года фізічныя асобы не маюць права.

Што датычыцца індывідуальных прадпрымальнікаў, то трэба адзначыць, што фізічныя асобы, зарэгістраваныя ў якасці прадпрымальнікаў да 1 кастрычніка 2024 года, маюць права прадоўжыць ажыццяўленне такіх відаў дзейнасці, не ўключаных у Пералік, па 31 снежня 2025 года.

Таксама гэтыя віды дзейнасці можна ажыццяўляць у статусе камерцыйнай арганізацыі.

Ажыццяўленне дзейнасці, у сферы выканальніцкіх мастацтваў, а таксама садзейнічанне правядзенню культурна-відовішчных мерапрыемстваў, ажыццяўляецца плацельшчыкамі з улікам асаблівасцей, устаноўленых заканадаўствам у сферы культуры.