Адным з першых да ініцыятывы падключыўся Веткаўскі раён. Сёння ў райцэнтры моладзь і актывісты грамадскіх арганізацый прыводзілі ў парадак брацкую магілу, дзе спачываюць астанкі больш за 1 400 салдат Вялікай Айчыннай вайны. Вялікія работы ў памятнага месца не спатрэбіліся, бо за мемарыялам у любы час года пастаянна даглядаюць. Пасля працоўнай акцыі адбыўся мітынг. На працягу тыдня на тэрыторыі ўсіх сельсаветаў будуць прыводзіць у парадак воінскія пахаванні, а іх на Веткаўшчыне больш за 30. Ці плануюць добраўпарадкаваць помнік ахвярам халакосту і правесці маштабную выніковую акцыю памяці, прысвечаную Хатынскай трагедыі. - Патрыятычныя акцыі вельмі важныя, асабліва для нашага падрастаючага пакалення, бо за імі будучыня краіны, захаванне традыцый і каштоўнасцяў нашага народа, - адзначыў начальнік аддзела ідэалагічнай работы, культуры і па справах моладзі райвыканкама Дзмітрый Ісачэнка.