Інспекцыяй сектара нагляду і прафілактыкі Веткаўскага РАНС у ліпені 2024 года былі праведзены маніторынгі стану пажарнай бяспекі ПВУП "Данкачоў У.Я.", ТАА "Палет Маркет".

Па ўсіх названых аб'ектах былі выяўлены парушэнні "Агульных патрабаванняў пажарнай бяспекі да ўтрымання і эксплуатацыі капітальных пабудоў (будынкаў, збудаванняў), ізаляваных памяшканняў і іншых аб'ектаў, якія належаць суб'ектам гаспадарання" зацверджаных Дэкрэтам Прэзідэнта Рэспублікі Беларусь ад 23.11.2017 г. №7 і іншых нарматыўных прававых актаў.

Па выніках правядзення маніторынгу, кіраўніцтву ўручаны рэкамендацыі для ліквідацыі выяўленых парушэнняў, у якіх прапанаваны да выканання наступныя мерапрыемствы:

ПАДА "Шураві Л.І." дзейнасць часова прыпынена.

ПВУП "Данкачоў У.Я."

арганізаваць у поўным аб'ёме ўборку тэрыторыі ад гаручых адходаў;

арганізаваць уборку памяшканняў у вытворчым будынку ад вытворчых гаручых адходаў;

забяспечыць у поўным аб'ёме на вонкавым баку ўсіх дзвярэй (варот) вытворчых і складскіх памяшканняў, якія катэгаруюцца па выбухапажарнай і пажарнай небяспецы, паказальнікамі іх катэгорый;

правесці ў поўным аб'ёме падрыхтоўку ўсіх работнікаў па праграмах пажарна-тэхнічнага мінімуму;

распрацаваць агульнааб'ектавую інструкцыю па пажарнай бяспецы;

выключыць ускрыццё тары з-пад ЛУВ і ГВ і падрыхтоўку рабочых сумесяў у месцах іх захоўвання;

ТАА "Палет Маркет"

арганізаваць уборку тэрыторыі вытворчай базы ад гаручых адходаў;

выключыць захоўванне гаручых вытворчых адходаў на тэрыторыі на адлегласці менш за 10 м ад будынка кацельні;

выключыць курэнне не ў месцах, спецыяльна вызначаных інструкцыяй па пажарнай бяспецы, абсталяваных ва ўстаноўленым парадку і пазначаных паказальнікам "Месца для курэння";

арганізаваць эксплуатацыю памяшканняў кацельні ў адпаведнасці з праектнай дакументацыяй і эксплуатацыйнай дакументацыяй на iх (дапушчана захоўванне гаручых матэрыялаў);

забяспечыць у поўным аб'ёме на вонкавым баку ўсіх дзвярэй (варот) вытворчых і складскіх памяшканняў, якія катэгаруюцца па выбухапажарнай і пажарнай небяспецы, паказальнікамі іх катэгорый;

арганізаваць эксплуатацыю будынка гаража ў адпаведнасці з праектнай дакументацыяй і эксплуатацыйнай дакументацыяй на яго (дапушчана ўсталяванне і работа дрэваапрацоўчага абсталявання);

выключыць захоўванне матэрыялаў у вытворчых памяшканнях не ў адпаведнасці з парадкам захоўвання рэчываў і матэрыялаў, які вызначаецца МНС (дапушчана захоўванне аўташын);

арганізаваць уборку вытворчых памяшканняў ад вытворчых гаручых адходаў і абцірачных матэрыялаў у спецыяльную тару, вырабленую з негаручых матэрыялаў;

забяспечыць герметычнасць тары для захоўвання лёгкаўзгаральных і гаручых рэчываў і матэрыялаў у вытворчых і складскіх памяшканнях;

выключыць захоўванне акумулятарных батарэй не ў спецыяльна прызначаных для гэтых мэт памяшканнях (захоўваюцца на ўчастку завострывання піл);

выключыць ускрыццё тары з-пад лёгкаўзгаральных і гаручых вадкасцяў (далей - ЛУВ і ГВ) і падрыхтоўку рабочых сумесяў у месцах іх захоўвання (ажыццяўляецца на ўчастку завострывання піл);

арганізаваць ачыстку ў поўным аб'ёме будаўнічых канструкцый, інжынернага, тэхналагічнага абсталявання і камунікацый у вытворчых памяшканнях ад гаручага пылу (адходы ад дрэваапрацоўкі) у будынку гаража;

арганізаваць правядзенне мерапрыемстваў па прадухіленні ўтварэння іскраў у памяшканні завострывання піў пры працы з ЛУВ і ГВ;

арганізаваць уборку разлітых ЛУВ і ГВ з дапамогай сарбіруючых матэрыялаў у вытворчых і складскіх памяшканнях;

у складскім памяшканні забяспечыць усталёўку ахоўных каўпакоў і штуцэраў на балонах з гаручымі газамі ёмістасцю больш за 40 літраў;

у бытавых памяшканнях выключыць пакіданне без нагляду ўключаных у электрасетку электрычных прыбораў (электрычныя чайнікі), эксплуатацыйнымі дакументамі на якія не дапускаецца іх работа без нагляду;

укамплектаваць памяшканні неабходнай колькасцю першасных сродкаў пажаратушэння ў адпаведнасці з нормамі, якія вызначаюцца МНС;

прывесці ў поўным аб'ёме наяўныя сродкі пажаратушэння (агнятушыцелі) у спраўным стане (адсутнічаюць раструбы, шлангі);

у будынках, памяшканнях забяспечыць у поўным аб'ёме перазарадку вогнетушыцеляў у адпаведнасці з рэкамендацыямі (пашпартамі) іх вытворцаў;

арганізаваць правядзенне супрацьпажарных інструктажоў, а таксама навучанне работнікаў мерам пажарнай бяспекі;

забяспечыць наяўнасць і своечасовае абнаўленне стэнда з інфармацыяй аб пажарнай бяспецы;

распрацаваць агульнааб'ектавую інструкцыю па пажарнай бяспецы.

Да тых кіраўнікоў і службовых асоб, хто не справіцца з пастаўленай задачай, будуць прыняты адпаведныя меры адміністрацыйнага ўздзеяння.