23.10.2024

"Кіроўца і пешаход, паважайце пешаходны пераход!"

25 кастрычніка 2024 года ў Рэспубліцы Беларусь праводзіцца Адзіны дзень бяспекі дарожнага руху "Кіроўца і пешаход, паважайце пешаходны пераход!", накіраваны на прафілактыку ДТЗ на пешаходных пераходах.

За 9 месяцаў 2024 года на тэрыторыі Гомельскай вобласці з удзелам пешаходаў адбылося 79 ДТЗ, у якіх 18 чалавек загінула і 69 - атрымалі траўмы рознай ступені цяжкасці, з іх па віне пешаходаў учынена 12 ДТЗ. З удзелам веласіпедыстаў адбылося 43 ДТЗ, у якіх 6 веласіпедыстаў загінула і 39 - атрымалі траўмы, з іх па віне веласіпедыстаў здзейснена 11 ДТЗ.

Парушэнне правілаў праезду пешаходных пераходаў у бягучым годзе з'яўляецца адной з асноўных прычын здзяйснення дарожна-транспартах здарэнняў. Па гэтай прычыне аўтааварый адбылося больш у параўнанні з аналагічным перыядам мінулага года. Пры гэтым павялічылася не толькі колькасць такіх ДТЗ, але і цяжкасць наступстваў. За 9 месяцаў мінулага года з прычыны парушэнняў правілаў праезду пешаходных пераходаў адбылося 53 ДТЗ, у якіх загінула 7 чалавек і 49 - паранены.

Дзяржаўтаінспекцыя нагадвае! ПЕШАХОД мае права на пераважнае парасячэнне праезнай часткі дарогі па нерэгуляваным пешаходным пераходзе, веласіпеднаму пераезду (у выпадку руху на сродках персанальнай мабільнасці), а таксама па рэгуляваным пешаходным пераходзе, веласіпедным пераездзе (у выпадку руху на сродках персанальнай мабільнасці) пры дазваляючым сігнале рэгуліроўшчыка або святлафор.

Веласіпедысты абавязаны перасякаць праезную частку дарогі па веласіпедным пераездзе або веласіпеднай дарожцы, а пры іх адсутнасці - па пешаходнаму пераходу, не ствараючы перашкод для руху пешаходаў. Пры перасячэннi праезнай часткі дарогі веласіпедысты маюць права не спешыцца, пры гэтым пры пад'ездзе да скрыжавання з праезнай часткай дарогі павінны загадзя знізіць хуткасць руху і перасякаць яе з хуткасцю ідучага крокам пешахода, г.зн. павольна!

Тое самае тычыцца і пешаходаў, якія перасоўваюцца на СРОДКАХ ПЕРСАНАЛЬНАЙ МАБІЛЬНАСЦІ: яны абавязаны знізіць хуткасць, пераканацца ў сваёй бяспецы і з хуткасцю пешахода перасекчы дарогу!

Абавязак кіроўцы - даць перавагу пешаходу і чалавеку, які перасоўваецца на сродку персанальнай мабільнасці, а таксама саступіць дарогу веласiпедысту.

Калі ж перад пешаходным пераходам спыніўся (стаiць) ці замарудзіў рух транспартны сродак, то кіроўцы іншых аўтамабіляў, якія рухаюцца па суседніх палосах у спадарожным напрамку, павінны знізіць хуткасць руху і пры наяўнасці пешаходаў саступіць ім дарогу.

За парушэнне дадзенага Правіла дарожнага руху, вадзіцелі транспартных сродкаў могуць быць прыцягнуты, згодна з ч. 7 арт. 18.13 КоАП Рэспублікі Беларусь, да адміністрацыйнай адказнасці ў выглядзе папярэджання або накладання штрафу ў памеры ад 1 да 5 базавых велічынь. У выпадку здзяйснення дадзенага парушэння паўторна на працягу года, паводле ч. 14 арт. 18.13 КоАП Рэспублікі Беларусь, да адміністрацыйнай адказнасціу выглядзе накладання штрафу ў памеры ад 2 да 8 базавых велічынь.

Вадзіцелям варта нагадаць, што пешаходны пераход для пешаходаў, у тым ліку на сродках персанальнай мабільнасці, і веласіпедыстаў. І гэта адзіная магчымасць бяспечна перасекчы праезную частку, як дзецям, так і дарослым.

Уразлівым удзельнікам дарожнага руху таксама неабходна больш адказна ставіцца да сябе і сваіх паводзін на дарозе! Пры перасячэнні дарогі неабходна адмовіцца ад выкарыстання любых гаджэтаў (навушнікі, тэлефон і інш.), з-за якіх, адцягнуўшыся, можна прапусціць небяспеку.

Да таго ж, не варта забываць, што асабліва небяспечна перасякаць праезную частку дарогі ў цёмны час сутак або ва ўмовах недастатковай бачнасці, таму абавязкова абазначайце сябе святлоадбіўнымі элементамі, якія дазволяць кіроўцу загадзя убачыць вас на дарозе. А каб дабіцца максімальнага эфекту, можна надзець камізэльку павышанай бачнасці са ўстаўкамі з святлоадбівальнага матэрыялу. У такой камізэльцы пешаход выдатна бачны здалёк і днём, і ноччу. Абавязковым патрабаваннем аб неабходнасці выкарыстоўваць адзенне павышанай бачнасці са святлоадбіўнымі элементамі стала і ДЛЯ веласіпедыстаў, якія перасоўваюцца па-за населеных пунктаў!

І самае галоўнае!!! Ніколі не заставайцеся абыякавымі да пытанняў бяспекі дарожнага руху!

Калі вы сталі відавочцам таго, як пешаходы ці веласіпедысты ў цёмны час сутак рухаюцца па дарозе без святлоадбіўных элементаў, а таксама перасоўваюцца па праезнай частцы ці паблізу яе ў стане алкагольнага ап'янення, выканайце свой грамадзянскі абавязак - паведаміце пра гэта ў міліцыю па тэлефоне 102! Такія людзі на дарозе з'яўляюцца аб'ектамі патэнцыйнай небяспекі, і менавіта Ваш званок выратуе яму жыццё!