12.08.2024

"Гулялі каля цюкоў саломы". Пры пажары загінула дзіця ў Слуцкім раёне

Інцыдэнт адбыўся ўвечары 11 жніўня паблізу вёскі Навінкі - на полі адбылося ўзгаранне цюкоў саломы. Падчас ліквідацыі пажару ратавальнікі знайшлі цела 11-гадовага дзіцяці.

Па папярэдняй інфармацыі, кампанія дзяцей ва ўзросце ад 10 да 13 гадоў гуляла каля цюкоў саломы. Адзін з хлопцаў чыркнуў запальнічкай - рулоны тут жа ўспыхнулі.

Спачатку падлеткі спрабавалі самастойна патушыць пажар, але беспаспяхова. Затым сястра загінуўшага пабегла да бабулі і расказала пра тое, што адбылося. Жанчына неадкладна патэлефанавала ў МНС.

Слуцкім раённым аддзелам Следчага камітэта па гэтым факце праводзіцца праверка.

МНС нагадвае алгарытм дзеянняў, каб пазбегнуць пажару ад дзіцячага свавольства з агнём:

— з малых гадоў навучайце дзіця правілам бяспечных паводзін;

— будзьце прыкладам ва ўсіх сітуацыях, звязаных з выкананнем правілаў пажарнай бяспекі;

— не пакідайце запалкі, запальніцы, бытавую хімію, лекі ў даступных для дзяцей месцах;

— не даручайце дзецям распальваць печы, газавыя пліты, самастойна ўключаць электрабытавыя прыборы;

— ні ў якім разе не пакідайце малалетніх дзяцей без нагляду дарослых;

— арганізуйце дзіцяці цікавы вольны час;

— абавязкова навучыце дзіця правільным дзеянням пры пажары.

Памятайце! Дзіця бярэ прыклад з вас - бацькоў. Няхай ваш прыклад вучыць дысцыплінаваным паводзінам дзіцяці на вуліцы і дома. Старайцеся зрабіць усё магчымае, каб засцерагчы дзяцей ад няшчасных выпадкаў.