29.01.2025

ДАІ правядзе рэспубліканскую прафілактычную акцыю "Захавай сабе жыццё!!!

Праблема гібелі і траўматызму пешаходаў на дарогах Гомельскай вобласці працягвае заставацца актуальнай, бо наезд на пешаходаў з'яўляецца адным з асноўных відаў дарожна-транспартных здарэнняў, у якіх пакутуюць людзі.

У сувязі з гэтым, у перыяд з 15 па 19 студзеня 2025 года Дзяржаўтаінспекцыя правядзе рэспубліканскую прафілактычную акцыю "Захавай сабе жыццё!", накіраваную на папярэджанне дарожна-транспартных здарэнняў з удзелам пешаходаў і веласіпедыстаў, папулярызацыю выкарыстання святлоадбіўных элементаў і адзення павышанай бачнасці ў цёмны час сутак.

У рамках акцыі супрацоўнікі ДАІ будуць максімальна набліжаны да пешаходных пераходаў на найбольш аварыйных і небяспечных участках аўтадарог, у тым ліку арганізаваны змешаны кантроль з выкарыстаннем транспартных сродкаў аператыўнага прызначэння і транспартных сродкаў, якія маюць цывільнае выкананне.

Апроч банальнай няўважлівасці, пешаходы не выкарыстоўваюць святлоадбіўныя элементы ў цёмны час сутак, забываючы пра іх альбо лічачы гэта "немодным", а таксама выходзяць на дарогу ў стане ап'янення, губляючы кантроль над сваімі дзеяннямі і тым самым выяўляючы максімальную безадказнасць да ўласнай бяспекі.

Убачыўшы такіх людзей на дарозе, вадзіцелю неабходна прыняць усе меры засцярогі. Як мінімум, зменшыць хуткасць аж да прыпынку транспартнага сродку! Маюць месца выпадкі, калі нецвярозыя пешаходы выбіраюць для "адпачынку" праезную частку. У такіх выпадках вельмі важна не заставацца абыякавымі і зрабіць усё магчымае, каб выключыць чалавека з дарогі. Ні ў якім разе не праходзьце ці не праязджайце міма: паспрабуйце самастойна прыняць якія-небудзь меры, каб прыбраць "гора-пешахода" з праезнай часткі, і патэлефануйце ў "102"!

Таксама Дзяржаўтаінспекцыя звяртаецца да ўсіх пешаходаў і веласіпедыстаў! Памятайце, што ў адрозненне ад вадзіцеляў, Вы ў самай большай ступені схільныя да атрымання розных траўм, таму да ўласнай бяспекі вы павінны падыходзіць адказна і з розумам!

Нагадваем, што ў цёмны час сутак і падчас непагадзі вадзіцель заўважае пешахода ў апошні момант і гэтага часу часам недастаткова, каб прадухіліць наезд. Таму выкарыстанне пешаходамі СВЯТЛОАДБІВАЛЬНЫХ ЭЛЕМЕНТАЎу такіх умовах застаецца адным з дзейсных спосабаў засцерагчы сябе на дарозе! Пазначаны пешаход дае магчымасць вадзіцелю своечасова заўважыць сябе і пазбегнуць наезду. Але спадзявацца толькі на флікеры не варта. Гэта ўсяго адзін са спосабаў вашай абароны і першы крок насустрач бяспецы!