30.07.2024

ФСАН дапамагае афармляць дублікат працоўнай кніжкі

Працоўная кніжка - афіцыйны персанальны дакумент, які змяшчае запісы аб працаўладкаванні грамадзяніна. Як вынікае з гісторыі, у СССР працоўныя кніжкі (працоўныя спісы) былі ўведзены ў 1919 годзе замест дарэвалюцыйных паслужных спісаў, якія ахоплівалі толькі некаторыя катэгорыі грамадзян.

Працоўная кніжка афармляецца пры першым паступленні на працу, захоўваецца ў аддзеле кадраў арганізацыі-працадаўцы, утрымлівае асабістыя дадзеныя ўладальніка і інфармацыю аб яго ўзаемаадносінах з працадаўцам.

У парадку вядзення працоўных кніжак з 1 студзеня 2024 года адбыліся змены. Пры афармленні дубліката працоўнай кніжкі працоўная дзейнасці работніка за перыяд, пачынаючы з 1 студзеня 2003 года, пацвярджаецца адпаведнай інфармацыяй з яго індывідуальнага асабовага рахунку (ІАР), адкрытага для вядзення персаніфікаванага ўліку ў сістэме дзяржаўнага сацыяльнага страхавання. Для атрымання дубліката працоўнай кніжкі ў выпадках страты, пашкоджання або іншай прычыны яе адсутнасці грамадзяніну неабходна звярнуцца да наймальніка з пісьмовай заявай.

Атрымаць інфармацыю аб працоўнай дзейнасці работніка для афармлення дубліката працоўнай кніжкі наймальнік можа праз агульнадзяржаўную аўтаматызаваную інфармацыйную сістэму (ААІС), звярнуўшыся ў Нацыянальны цэнтр электронных паслуг, або праз "Асабісты кабінет плацельшчыка ўзносаў", размешчаны на карпаратыўным партале Фонду сацыяльнай абароны насельніцтва, на бязвыплатнай аснове.

Інфармацыя аб працоўнай дзейнасці, якая прадстаўляецца ФСАН, з'яўляецца своеасаблівай "дарожнай картай", якая паказвае наймальніку папярэднія месцы працы працаўніка, куды варта зрабіць запыт для атрымання, пры неабходнасці, недастатковай інфармацыі. За перыяды назапашвання на ІАР з 1 ліпеня 2021 года звестак у пашыраным фармаце інфармацыя аб працоўнай дзейнасці будзе прадстаўлена ФСАН наймальніку ў поўным аб'ёме і запатрабаванне дакументаў ад папярэдніх наймальнікаў не спатрэбіцца.

І. Батарэева,

начальнік Веткаўскага раённага сектара

Гомельскага абласнога ўпраўлення Фонду сацыяльнай абароны насельніцтва