16.10.2024

Бяспечнае цяпло: топiм печ правільна

З пачаткам ацяпляльнага сезона колькасць здарэнняў з-за парушэнняў правілаў бяспекі пры эксплуатацыі печаў і ацяпляльных прыбораў павялічваецца. Няправільнае выкарыстанне такога ацяплення можа прывесці не толькі да пажару, а часам і да гібелі.

Нагадваем аб правілах бяспечнай эксплуатацыі печаў:

• у печы не павінна быць расколін і шчылін, а комін павінен мець добрую цягу і быць пабелены вапнавым растворам. Робіцца гэта для таго, каб на белым фоне можна было заўважыць з'яўвiўшыяся з часам расколіны. Каб пазбегнуць утварэння расколін у муру ў ацяпляльны сезон чысціце комін ад сажы не менш за адзін раз у 2 месяцы.
• печ і дымавая труба ў месцах злучэння з драўлянымі перакрыццямі ў пазбяганне іх узгарання павінны мець патаўшчэнне цаглянага мура або разробліванне.
• каб выпадкова выпаўшыя падпаленыя вуглі не прывялі да пажару, прыбіце перад топкай на драўлянай падлозе металічны ліст памерамі не менш за 50х70 см.
• тапіць печ рэкамендуецца два-тры разы на дзень не больш за па паўтары гадзіны. Гэта дазволіць пазбегнуць яе перакалу. Топку спыняйце мінімум за 2 гадзіны да сну. За гэты час дровы паспеюць перагарэць, і можна будзе зачыніць комін.
• трымаеце не менш чым за паўтара метра ад печы адзенне, мэблю, дровы і іншыя гаручыя матэрыялы.
• попел і перагарэўшыя вуглі рэкамендуецца выкідваць не бліжэй за 15 метраў ад будынкаў.

Нельга:

• выкарыстоўваць пры падпалцы печы лёгкаўзгаральныя і гаручыя вадкасці.
• пакідаць без нагляду печы, якія топяцца.
• дазваляць дзецям самастойна іх распальваць.

Прычыны атручэння угарным газам:

• парушэнне правілаў эксплуатацыі пячнога ацяплення (несвоечасовае зачыненне печкавай засланкі, недастатковы доступ свежага паветра ў палiўнiк, дрэнная цяга).
• няспраўная работа печы і коміна (расколіны ў канструкцыі печы, забіты комін).
• выкарыстанне для абагравання памяшканняў газавых бытавых прыбораў, а таксама адсутнасць правільна цыркулюючай выцяжкі газавых калонак.

Для таго, каб не атрымаць атручванне ўгарным газам, памятайце, што нельга заўчасна зачыняць засланку печаў, г.зн. пакуль вуголле цалкам не прагараць.

Угарны газ нябачны і неадчувальны, ён не мае ні паху, ні колеру, але смяротна небяспечны. Трапляючы ў дыхальныя шляхі, малекулы ўгарнага газу хутка ўсмоктваюццаў кроў і звязваюцца з малекуламі гемаглабіну. Невялікая канцэнтрацыя ўгарнага газу выклікае ўдушша і галаўны боль, пры перавышэнні - назіраюцца параліч і страта прытомнасці. А калі канцэнтрацыя газу ў паветры больш 1,2% - чалавек памірае за некалькі секунд. Сімптомы атручвання распазнаць цяжка, таму многія і не здагадваюцца, што прычынай нядужання з'яўляецца ўгарны газ.

Вельмі важна аказаць першую дапамогу аператыўна, бо незваротныя наступствы наступаюць вельмі хутка. Неабходна як мага хутчэй вывесці пацярпелага на свежае паветра. Пры атручваннях сярэдняй цяжкасці і цяжкiм - выклікаць хуткую дапамогу без прамаруджвання. Пры гэтым трэба памятаць, што, выносячы пацярпелага з месца з небяспечнай канцэнтрацыяй угарнага газу, неабходна абараніць свае органы дыхання (тканінай, хусткай і г.д.).