19.09.2024

Аб абавязку індывідуальных прадпрымальнікаў па прадстаўленні падатковых дэкларацый (разлікаў)

У адпаведнасці з Падатковым кодэксам Рэспублікі Беларусь індывідуальныя прадпрымальнікі абавязаны прадстаўляць у падатковыя органы падатковыя дэкларацыі (разлікі) у выглядзе электроннага дакумента, падпісанага электронным лічбавым подпісам (далей - ЭЛП). Пры прадстаўленні падатковых дэкларацый (разлікаў) у пісьмовай форме плацельшчыкамі, якія абавязаны прадстаўляць іх у выглядзе электроннага дакумента, такія падатковыя дэкларацыі (разлікі) не лічацца прадстаўленымі.

У адпаведнасці з артыкулам 14.2 Кодэкса Рэспублікі Беларусь аб адміністрацыйных правапарушэннях за парушэнне плацельшчыкам, падатковым агентам, іншай абавязанай асобай устаноўленага тэрміну прадстаўлення ў падатковы орган падатковай дэкларацыі (разліку) прадугледжана адміністрацыйная адказнасць.

Улічваючы вышэйпададзенае, для падачы падатковых дэкларацый (разлікаў) у выглядзе электроннага дакумента індывідуальныя прадпрымальнікі абавязаны атрымаць ЭЛП да наступлення наступнага справаздачнага перыяду.

Інфармацыя аб адрасах рэгістрацыйных цэнтраў, якія ажыццяўляюць выданне і падаўжэнне сертыфікатаў ЭЛП, рэжыме іх работы, а таксама аб спосабах папярэдняга запісу размешчана на афіцыйным інтэрнэт-сайце Нацыянальнага цэнтра электронных паслуг (далей – НЦЭП) ва ўкладцы ДзяржСААК/ Карысная інфармацыя / Адрасы рэгістрацыйных цэнтраў (https://nces.by/pki/info/contacts/).

Звяртаем увагу, што ў рэгістрацыйных цэнтрах можна атрымаць паслугу па выданні і прадаўжэнні сертыфікатаў ЭЛП не толькі па папярэднім запісе, але і ў парадку жывой чаргі. Папярэдні запіс у рэгістрацыйныя цэнтры для атрымання ЭЛП ажыццяўляецца на бязвыплатнай аснове. Цяпер у рэгістрацыйных цэнтрах магчыма атрыманне паслугі па выданні або прадаўжэнні ЭЛП без чэргаў і з мінімальным часам чакання.

Дадаткова, на афіцыйным сайце МПЗ (nalog.gov.by) у раздзеле Актуальнае ва ўкладцы ЭЛП сабрана ўся неабходная інфармацыя аб атрыманні сертыфіката ЭЛП, уключаючы парадак дзеянняў для атрымання ЭЛП, а таксама пералік дакументаў, якія неабходна мець плацельшчыку пры наведванні рэгістрацыйнага цэнтра.

Для індывідуальных прадпрымальнікаў, у якіх ёсць дзейнiчаючы ЭЛП, але тэрмін якога заканчваецца да наступлення справаздачнага перыяду, на афіцыйным інтэрнэт-сайце НЦЭП у раздзеле "Сертыфікаты ЭЛП і носьбіты" размешчана інфармацыя аб паслузе дыстанцыйнага выдання сертыфіката індывідуальнага прадпрымальніка (фізічнай асобы) з выкарыстаннем дзейнiчаючага сертыфіката.

Звяртаем увагу, што пры наяўнасці біяметрычнага пашпарта ці ідэнтыфікацыйнай карты (ID-карты) індывідуальны прадпрымальнік мае магчымасць працаваць у асабістым кабінеце плацельшчыка і накіроўваць розныя электронныя дакументы, у тым ліку падаваць падатковыя дэкларацыі (разлікі).