30.12.2024

У імя памяці. Дзмітрый Крутой усклаў кветкі да мемарыяльнага комплексу "Курган Славы" ў Мазыры

Кіраўнік Адміністрацыі Прэзідэнта Дзмітрый Крутой у час рэспубліканскай грамадска-культурнай акцыі "Марафон адзінства" ўсклаў кветкі да мемарыяльнага комплексу "Курган Славы" ў Мазыры, перадае карэспандэнт БЕЛТА.

Мемарыяльны комплекс - асаблівае месца памяці ў горадзе на Прыпяці. Гэта шматкампазіцыйнае збудаванне размешчана на ўзвышшы, дзе знаходзіцца 45-метровая стэла, куб на гранітным пастаменце з гаўбіцай узору 1938 года. Тут жа знаходзіцца і брацкая магіла - пахаванне воінаў Савецкай Арміі і партызан Палескага партызанскага злучэння, якія загінулі пры вызваленні Мазыра ў 1944 годзе. У гэтай кампазіцыі і Вечны агонь. Гістарычную лінію прадаўжае экспазіцыя ваеннай тэхнікі пад адкрытым небам.

БелТА