26.12.2024

У Гомельскай вобласці ўжо рэалізавана 25 праектаў ініцыятывы "Адзін раён - адзін праект"

У Гомельскай вобласці ўжо рэалізавана 25 праектаў ініцыятывы "Адзін раён - адзін праект". Аб гэтым намеснік старшыні - начальнік упраўлення эканамічнага рэгулявання камітэта эканомікі Гомельскага аблвыканкама Данііл Дворкін у праекце БЕЛТА "Краіна гаворыць".

У вобласці сфарміраваны інвестыцыйны партфель са 103 праектаў ініцыятывы "Адзін раён - адзін праект", па якіх прадугледжваецца стварэнне 2,5 тыс. рабочых месцаў. "Ужо 25 праектаў рэалізаваны, - сказаў Данііл Дворкін. - На наступны год у нас дабавяцца яшчэ праекты, у любым выпадку будзе прырост. Літаральна ў кожным раёне ў рамках ініцыятывы "Адзін раён - адзін праект" у нас будуць створаны вытворчасці".

Намеснік старшыні таксама прывёў некалькі прыкладаў рэалізаваных праектаў. "У Буда-Кашалёўскім раёне, напрыклад, прыватнае прадпрыемства вырабляе тавары з пластмасы, яны пашыраюць вытворчасць, - расказаў ён. - Даволі цікавы праект рэалізаваны ў Гомельскім раёне па вытворчасці лавашоў, цеста філа. Створана 155 рабочых месцаў".

БелТА