23.10.2024

Першы электравоз прайшоў па новым электрыфікаваным участку БЧ Калінкавічы-Мазыр-Барбароў

Першы электравоз паспяхова прайшоў па новым электрыфікаваным участку Беларускай чыгункі Калінкавічы-Мазыр-Барбароў, паведамілі БЕЛТА ў прэс-цэнтры БЧ.

Праведзена комплексная праверка новай інфраструктуры. Доследнай паездцы папярэднічаў вялікі аб'ём работы па мадэрнізацыі ўстройстваў электрычнай цэнтралізацыі і аўтаблакіроўкі, якія былі завершаны на ўчастку ў кастрычніку бягучага года.

"Усе ўстройствы інфраструктуры паспяхова прайшлі выпрабаванні і гатовы да арганізацыі рэгулярнага руху грузавых і пасажырскіх паяздоў на электрацязе", - расказалі ў прэс-цэнтры.

БелТА