27.08.2025

Гомельскай абласной дзіцячай клінічнай бальніцы перадалі сучасны медыцынскі эндаскоп

Тэхніку падарыла кампанія «Беларуснафта» на чале з генеральным дырэктарам Аляксандрам Ляхавым.

Эндаскапічнае аддзяленне бальніцы працуе кругласутачна і прымае малых пацыентаў з усёй Гомельшчыны.

- Часам цана жыцця дзіцяці, які праглынуў каўпачок ад ручкі або магніт – хвіліны. Эндаскопам мы ратуем прыкладна 600 дзяцей у год, – падзяліўся галоўны ўрач абласной дзіцячай клінічнай бальніцы Ігар Таўтын.
Новы апарат абсталяваны камерай, якая выводзіць малюнак на экран, а таксама шчыпцамі, якімі можна акуратна выцягнуць іншародныя цела з арганізма, не траўміруючы малых.

– Прыемна, што ў нас ёсць магчымасць дапамагчы дзецям. Галоўнае, каб новы апа-рат служыў доўга і надзейна. Спецыялісты, якія ратуюць жыцці людзей, павінны працаваць на лепшым абсталяванні, – адзначыў Аляксандр Ляхаў.
У сярэднім 200 маленькіх хлопчыкаў і дзяўчынак, штогод праглынаюць батарэйкі, магніты і іншыя прадметы. Калі гэта здарылася, трэба неадкладна звярнуцца па дапамогу да ўрача.

Правда Гомель