04.09.2024

Чырвоны ўзровень небяспекі аб'яўлены ў Гомельскай вобласці на 4-6 верасня

Штармавое папярэджанне аб небяспечнай гідраметэаралагічнай з'яве (чырвоны ўзровень небяспекі) аб'яўлена ў Гомельскай вобласці на 4-6 верасня, на большай частцы тэрыторыі якой захаваецца надзвычайная пажарная небяспека (5-ы клас гарымасці). Аб гэтым БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Сіноптыкі інфармуюць, што ў дзённы час 4 верасня ў іншых раёнах на поўдні краіны з-за гарачыні аб'яўлены аранжавы ўзровень небяспекі.

У бліжэйшыя суткі ў рэспубліцы чакаецца пераменная воблачнасць, пераважна без ападкаў. Вецер усходні 4-9 м/с, паўночна-ўсходні слабы ноччу.

Тэмпература паветра мінімальная ноччу складзе плюс 10-16 градусаў, максімальная днём - 24-30 градусаў.

БелТА