ДАІ заклікае бацькоў паклапаціцца пра бяспеку дзяцей у час канікулаў
ДАІ заклікае бацькоў паклапаціцца пра бяспеку дзяцей у час канікулаў. Аб гэтым БЕЛТА паведамілі ў АДАІ Цэнтральнага РУУС Мінска.
"Летнія канікулы - гэта пара адпачынку, цікавых спраў і новых уражанняў. У дзяцей з'яўляецца больш вольнага часу, а няведанне правіл паводзін, невыкананне мер бяспекі, неасцярожнасць, недастатковы кантроль з боку дарослых можа стаць сур'ёзнай пагрозай для жыцця і здароўя дзяцей", - адзначылі ў ДАІ.
Дзяржаўтаінспекцыя заклікае бацькоў прааналізаваць і зразумець найбольш значныя для дзіцяці пагрозы і небяспеку ў летні перыяд. "Паклапаціцеся пра бяспеку сваіх дзяцей, забяспечце пастаянны нагляд за імі, асабліва за дзецьмі дашкольнага і малодшага школьнага ўзросту, - падкрэсліў начальнік аддзела ДАІ Цэнтральнага РУУС Мінска Валерый Масенза. - Выхоўвайце ў дзяцей навыкі культуры бяспечных паводзін на дарозе і ў транспарце, дэманструючы ўсё на ўласным станоўчым прыкладзе. Не заставайцеся абыякавымі, калі ўбачылі іншае дзіця ў небяспецы. Памятайце, што жыццё нашых дзяцей залежыць толькі ад нас саміх".-0-