• Зона адпачынку «Ставок»Зона адпачынку «Ставок»
  • Веткаўскі музей стараверства і беларускіх традыцый імя Ф.Р. ШкляраваВеткаўскі музей стараверства і беларускіх традыцый імя Ф.Р. Шклярава
  • Храм Праабражэння ГасподнягаХрам Праабражэння Гасподняга
  • НовабудоўліНовабудоўлі
  • Веткаўскі раённы выканаўчы камітэтВеткаўскі раённы выканаўчы камітэт
  • Прырода Веткаўскага краюПрырода Веткаўскага краю
Галоўная -  Навіны -  Навіны рэспублікі

У рамачнай праграме ААН для Беларусі да 2025 года будзе зроблены новы акцэнт

28.10.2019

У Рамачнай праграме супрацоўніцтва ААН і Беларусі ў сферы ўстойлівага развіцця на 2021-2025 гады акцэнт будзе перанесены на супрацоўніцтва замест падтрымкі, расказала пастаянны каардынатар ААН у Беларусі Іаанна Казана-Вішнявецкі ў інтэрв'ю праграме "Тыдзень", паказанай 27 кастрычніка ў эфіры тэлеканала СТБ, паведамляе карэспандэнт БЕЛТА.

"Мэты ўстойлівага развіцця - гэта будзе аснова нашага супрацоўніцтва. Што будзе вызначаць новую праграму - гэта акцэнт на супрацоўніцтва замест падтрымкі, што было прадметам нашага ўзаемадзеяння ў мінулым. Цяпер акцэнт на супрацоўніцтва ў поўным значэнні гэтага слова", - адзначыла Іаанна Казана-Вішнявецкі.

Паводле яе слоў, акцэнт пераносіцца з падтрымкі на партнёрства, таму што ўжо цяпер зразумела, што дасягнення Мэт устойлівага развіцця ні адна з арганізацый ААН не можа дабіцца паасобку. Таму неабходна кааліцыя і падказкі, хто можа яшчэ быць падключаны да працэсу ўстойлівага развіцця.

На гэтым тыдні ў Мінску былі арганізаваны нацыянальныя кансультацыі аб прыярытэтах Рамачнай праграмы супрацоўніцтва ААН і Беларусі ў сферы ўстойлівага развіцця на 2021-2025 гады. "Мы адкрылі шырокія кансультацыі з нацыянальнымі партнёрамі, запрашаючы дзяржаўныя структуры, усе нацыянальныя інстытуты, цэнтры, недзяржаўныя арганізацыі, прафсаюзы, рэлігійныя арганізацыі, якія могуць нам падказаць, што, з іх пункту гледжання, з'яўляецца прыярытэтам, якім трэба займацца Арганізацыі Аб'яднаных Нацый", - растлумачыла Іаанна Казана-Вішнявецкі.

Як паведамлялася, да гэтага часу ў якасці базавага дакумента супрацоўніцтва паміж Беларуссю і ААН выступала Рамачная праграма ААН па аказанні дапамогі Беларусі ў мэтах развіцця. Былі распрацаваны і рэалізоўваліся дзве праграмы: на 2011-2015 і 2016-2020 гады. Новы праграмны дакумент ААН для Беларусі павінен быць падрыхтаваны ў пачатку 2020 года.

Навіны Беларусі (БЕЛТА)