Дзяржаўны камітэт па навуцы і тэхналогіях праводзіць конкурс інавацыйных праектаў, паведамілі БЕЛТА ў прэс-службе ДКНТ.

У рамках рэалізацыі ўказа Прэзідэнта Беларусі ад 20 мая 2013 года нумар 229 "Аб некаторых мерах па стымуляванні рэалізацыі інавацыйных праектаў" Дзяржаўны камітэт па навуцы і тэхналогіях аб'яўляе конкурс інавацыйных праектаў, якія прэтэндуюць на атрыманне дзяржаўнай фінансавай падтрымкі на незваротнай аснове.

Для ўдзелу ў конкурсным адборы праекты павінны адпавядаць патрабаванням палажэння аб парадку прадастаўлення інавацыйных ваўчараў і грантаў, зацверджанага пастановай Савета Міністраў ад 4 кастрычніка 2013 года нумар 888 "Аб некаторых мерах па рэалізацыі ўказа Прэзідэнта Рэспублікі Беларусь ад 20 мая 2013 года нумар 229".

Прадставіць свае праекты ў Беларускі інавацыйны фонд заяўнікі (грамадзяне Беларусі і юрыдычныя асобы, якія прэтэндуюць на атрыманне дзяржаўнай фінансавай падтрымкі пры іх рэалізацыі) могуць па 18 снежня.

Навіны Беларусі (БЕЛТА)